امرود تے کَھٹے پَھلاں دی ویکھ بھال لئی کساناں نوں تربیت دین دا فیصلا

امرود تے کَھٹے پَھلاں دی ویکھ بھال لئی کساناں نوں تربیت دین دا فیصلا

فیصل آباد(پاکستان پوائنٹ نیوز07۔ستمبر2016ء) حکومت ولوں جامعہ ذرعیہ تے ہور زرعی تحقیقی اداریاں دی مدد نال کَھٹے پَھلاں تے امرود نوں اُگان تے بعد وچ اوہدی ویکھ بھال اُتے اُچیچے سیمینار منعقد کرن دا فیصلا کیتا گیا اے۔ ترجمان دے مطابق سیمینار کران دا مقصد امرود تے کَھٹے پھلاں دی شاندار فصل حاصل کرن تے پھل نوں نقصان توں بچانا اے۔ سرکاری وسیلیاں دے مطابق ایہناں تربیتی پروگراماں وچ باغ لان والے کساناں نوں امرود تے کَھٹے پھلاں نوں بیماریاں توں بچان لئی اقدامات تے اوہناں دے تجارتی امور بارے دسیا جائے گا۔

وسیلیاں نے دسیا کہ کَھٹے پھل تے امرود ساڈے ملک وچ وڈی ماترا وچ پیدا ہون دے باوجود ویلے توں پہلے کاشت، پرانے نظام تے اوہناں پھلاں نوں لگن والے کیڑیاں دے حملے، کاشت دے بعد پودیاں دی غیر تسلی بخش ویکھ بھال ورگے مسائل دا شکلار نیں جہدے لئی کساناں دے نال نال تاجراں، پراسیسز، برآمد کنند گان، باغاں دی ویکھ بھال اُتے مامور بندے، سینٹری تے فائٹو سینٹری اقدامات کرن والیاں دی تعلیم و تربیت دی بہت لوڑ اے تاں جے اوہناں دی استعداد وچ وادھا کیتا جا سکے۔