صوبے بھر وچ اِکو تعلیم دا نظام رائج کیتا جائے: پی ٹی آئی دی پنجاب اسمبلی وچ قرارداد

صوبے بھر وچ اِکو تعلیم دا نظام رائج کیتا جائے: پی ٹی آئی دی پنجاب اسمبلی وچ قرارداد

لاہور(پاکستان پوائنٹ نیوز07۔ستمبر2016ء) پاکستان تحریک انصاف نے صوبے وچ اِکو جہیا تعلیم دا نظام رائج کرن لئی قرار داد پنجاب اسمبلی سیکرٹریٹ وچ جمع کروا دِتی۔ پی ٹی آئی دی سوانی رکن اسمبلی سعدیہ سہیل رانا ولوں جمع کروائی گئی قرار داد دے متن وچ آکھیا گیا اے کہ تعلیمی شعبے نوں تجربا گاہ نہ بنایا جائے۔ اوہناں دا کہنا اے کہ کالجاں وچ بی ایس چار ورھیاں دا پروگرام لیاندا جائے پر انفراسٹرکچر نہ ہون پاروں ایس پروگرام دی ڈاڈھی ناکامی دے بعد پرانا اینول تعلیم دا نظام بحال کیتا جا رہیا اے ایس طرحاں آئے دن سسٹم بدلن نال پڑھیاراں نوں اوکڑاں دا سامنا کرنا پیندا اے۔ اوہناں دا کہنا اے کہ تعلیم دوستی دا دعوا زبانی کلامی کرن دی بجائے عملی اقدامات دی لوڑ اے۔