اسلام آباد(پاکستان پوائنٹ نیوز07۔ستمبر2016ء) وفاقی وزیر اطلاعات و نشریات پرویز رشید نے آکھیا اے کہ عمران خان سیاسی گناہ گاراں دی بھیڑ نوں لے کے بے گناہاں اُتے حملا کرنا چاہندے نیں، تحریک انصاف دی حماقتی سیاست نوں بے گناہواں اُتے حملا کرنامہنگا پئے گا، حکومت نے پاکستان تحریک انصاف دے رائے ونڈ مارچ دا جواب حکمت عملی نال دین دا اعلان وی کیتا۔
بدھ نوں وفاقی وزیر اطلاعات و نشریات پرویز رشید نے میڈیا نال گل بات کردے ہوئے آکھیا کہ عمران خان دی حماقت دا جواب حکمت عملی نال دیاں گے۔ اوہناں دا کہنا سی کہ عمران خان سیاسی گناہ گاراں دی بھیڑ نوں لے کے بے گناہواں اُتے حملا کرنا چاہندے نیں تے تحریک انصاف دی سیاست نوں بے گناہواں اُتے حملا کرنا مہنگا پئے گا۔ اوہناں نے آکھیا کہ سپیکر نے پی ٹی آئی دے ریفرنس اُتے اوہی فیصلا کیتا جو سپریم کورٹ نے کیتا اے۔ پرویز رشید دا کہنا سی کہ جے ریفرنس وچ جان ہوندی تے اوہنوں سپریم کورٹ رَد نہ کردی۔
