سیشن کورٹ دا سابق شوہر نوں پُتر گلوکارہ حمیرا ارشددے حوالے کرن دا حکم

سیشن کورٹ دا سابق شوہر نوں پُتر گلوکارہ حمیرا ارشددے حوالے کرن دا حکم

لاہور(پاکستان پوائنٹ نیوز07۔ستمبر2016ء) سیشن کورٹ نے بال بازیابی کیس دا فیصلا گلوکارہ حمیرا ارشد دے حق وچ سُناندے ہوئے بال نوں ماں دے حوالے کرن دا حکم دِتا۔ تفصیل دے مطابق بدھ دے دیہاڑے لاہور دی سیشن کورٹ دے جج نے گلوکارہ حمیرا ارشد ولوں اپنے سابق شوہر احمد بٹ توں بال دی بازیابی لئی دائر درخاست دا فیصلا سُناندے ہوئے بال نوں فوری طور اُتے ماں دے حوالے کرن دا حکم جاری کیتا۔

عدالت دا کہنا سی کہ 23 ستمبر تیکر فیملی کورٹ دا فیصلا آن دے بعد بال ماں دے کول ای رہوے گا۔ یاد رہوے کہ حمیرا ارشد نے سیشن عدالت وچ درخاست دائر کیتی سی کہ اوہناں دا سابق شوہر احمد بٹ زبردستی بال نوں کھوہ کے اپنے نال لے گیا سی، بال بہت نِکا اے ایس لئی اوہنوں ماں دے سپرد کیتا جائے جدکہ احمد بٹ نے فیملی کورٹ وچ درخاست دائر کیتی ہوئی اے جہدے وچ موقف اختیار کیتا گیا اے کہ گلوکارہ دے گھر وچ سگریٹ تے شراب بہت زیادہ ورتی جاندی اے جہدی نتیجے وچ بال دی پالتا اثر انداز ہون دا خدشہ اے۔