نہال ہاشمی دا دل صحت مند، باقی دی سزا جیل وچ ای کٹن گے

راولپنڈی(پاکستان پوائنٹ نیوز03۔فروری2018ء) نہال ہاشمی دا دل صحت مند اے، باقی دی سزا جیل وچ ای کٹن گے۔ تفصیل مطابق پنج سال لئی نااہل کیتے گئے نہال ہاشمی دی طبیعت وِگڑ گئی سی۔ طبیعت وِگڑن اُتے اوہناں دا پمز ہسپتال دی ٹیم نے اڈیالہ جیل دے ہسپتال وچ ڈاکٹر ی معائنہ کیتا۔ ڈاکٹراں مطابق نہال ہاشمی ذہنی دباء دا شکار تے اوہناں نوں فلو اے۔ کُجھ چِر پہلاں اوہناں دے دل دے تن وال وی پئے سن۔ ڈاکٹراں نے نہال ہاشمی نال جیل وچ سختی نہ ورتن دی سفارش وی کیتی اے۔ چیتے رہوے کہ نہال ہاشمی نوں توہین عدالت دے جرم وچ عدالت نے پنج سال لئی نااہل کردے ہوئے اک مہینہ قید دی سزا سنائی سی۔ نہال ہاشمی نوں جدوں جیل منتقل کیتا گیا تے اوہناں دی طبیعت وِگڑ گئی۔