گوجرانوالا(پاکستان پوائنٹ نیوز02۔فروری2018ء) مسلم لیگ (ن) دی مرکزی رہنما مریم نواز نے آکھیا اے کہ کس کس نوں توہین عدالت دے نوٹس گھلو گے؟ جیلاں بھر جان گیاں، توہین عدالت دی سزا اے، پر کروڑاں ووٹاں والے وزیر اعظم تے پارلیمنٹ دی توہین دی کوئی سزا نہیں؟ مشرف نے چیف جسٹس نوں والاں توں پھڑ کے گھسیٹیا، لاڈلے نے گالھاں کڈھیاں، اوہنوں وی نااہل کرو تے جیل گھلو، لوکائی دے چُنے گئے نمائندیاں توں سوال ہوئے گا تے فیر سبھ توں ای سوال ہوئے گا، سازشی سازشاں جدکہ نواز شریف آؤندے پنج ورھیاں دا ایجنڈا تیار کر رہیا اے، سینیٹ تے جنرل الیکشن دے نال نال رون دیاں آوازاں تیز ہوندیاں جا رہیاں نیں۔
تفصیل مطابق گوجرانوالا وچ سوشل میڈیا کنونشن نال خطاب کردے ہوئے سابق وزیر اعظم نواز شریف دی دھی مریم نواز نے آکھیا کہ نواز شریف دے مخالف گوجرانوالا توں منہ لُکا کے لنگھدے نیں۔ تہانوں یاد اے کہ 2014وچ دھرنے والیاں نوں گوجرانوالا نے کیویں نسایا سی؟ اجیہا نسایا کہ اج تیکر اوہ نسدے ای جا رہے نیں۔ گوجرانوالا اوہ تواریخی شہر اے جدوں نواز شریف گوجرانوالا اپڑیا تے عدلیہ بحال ہو گئی۔
ہن وی رون دیاں آوازاں آ رہیاں نیں۔ جیویں سینیٹ تے عام انتخابات نیڑے آ رہے نیں رون دیاں آوازاں تیز ہوندیاں جا رہیاں نیں۔ اوہناں نے آکھیا کہ لوکائی مینوں دسن کہ مسلم لیگ (ن) دی سوشل میڈیا ٹیم دا نواں ممبر کون اے؟ ایہ سارے نویں ممبر نیں۔ لوکاں نے ایس دوران میاں صاحب آئی لو یو دے نعرے وی لائے۔ مسلم لیگ (ن) دی مرکزی رہنما مریم نواز نے آکھیا اے کہ کس کس نوں توہین عدالت دے نوٹس گھلو گے؟ جیلاں بھر جان گیاں، توہین عدالت دی سزا اے۔
اوہناں داکہنا سی کہ کروڑاں ووٹاں والے وزیر اعظم تے پارلیمنٹ دی توہین دی کوئی سزا نہیں؟ مشرف نے چیف جسٹس نوں والاں توں پھڑ کے گھسیٹیا۔ مریم نواز نے اپنے خطاب دوران عدالتاں نوں تنقید دا نشانہ بناندے ہوئے آکھیا کہ لاڈلے نے گالھاں کڈھیاں،اوہنوں وی نااہل کرو تے جیل گھلو، لوکائی دے چُنے گئے نمائندیاں توں سوال ہوئے گا تے فیر سبھ توں ای سوال ہوئے گا۔ مریم نواز دا کہنا سی کہ سازشی سازشاں جدکہ نواز شریف آؤندے پنج ورھیاں دا ایجنڈا تیار کر رہیا اے، سینیٹ تے جنرل الیکشن دے نال نال رون دیاں آوازاں تیز ہوندیاں جا رہیاں نیں۔
