کرم ایجنسی: بارودی سرنگ دھماکے وچ ٹی ٹی ملوث نکلی، دھماکے دی منصوبہ بندی افغانستان وچ کیتی گئی

کرم ایجنسی: بارودی سرنگ دھماکے وچ ٹی ٹی ملوث نکلی، دھماکے دی منصوبہ بندی افغانستان وچ کیتی گئی

اسلام آباد(پاکستان پوائنٹ نیوز31۔جنوری2018ء) کرم ایجنسی بارودی سرنگ دھماکے وچ ٹی ٹی ملوث نکلی، دھماکے دی منصوبہ بندی افغانستان وچ کیتی گئی۔ تفصیل مطابق منگل دے دیہاڑے کرم ایجنسی دے علاقے غزگڑھی وچ بارودی سرنگ دا دھماکا ہویا۔ دھماکے وچ کار بارودی سرنگ نال ٹکرا ئی ، جہدے نتیجے وچ بالاں تے سوانیاں سنے 8بندے ہلاک ہو گئے۔ خفیہ اداریاں دی تفتیش توں پتا لگا اے کہ ایس دھماکے وچ افغانستان وچ موجود تحریک طالبان پاکستان ملوث اے۔

ٹی ٹی پی نے ایس حملے دی منصوبہ بندی افغانستان وچ کیتی سی۔ چیتے رہوے کہ افغانستان وچ موجود ٹی ٹی پی قیادت فضل اللہ، عمر خراسانی تے ہور لگاتار پاکستان وچ کارروائیاں دی منصوبہ بندی کر رہے نیں۔ کدی بم دھماکے تے کدی پاک افغان بارڈر اُتے حملے کیتے جاندے نیں ۔ پاکستان ولوں افغان حکومت تے امریکا نال ٹی ٹی پی قیادت دی افغانستان وچ موجودگی تے اوہناں دیاں کارروائیاں بارے انٹیلی جنس معلومات شیئر کیتیاں گئیاں پر افغان حکومت تے امریکا پاکستان دے موقف نوں منن لئی تیار نہیں ۔