لاہور(پاکستان پوائنٹ نیوز26۔جنوری2018ء) زینب قتل کیس وچ گرفتار ملزم عمران دے بنک اکاؤنٹس بارے مشہور پرچاکار ڈاکٹر شاہد مسعود دا دعوا جھوٹھا نکلیا اے۔ تفصیل مطابق سٹیٹ بنک آف پاکستان نے ملزم عمران دے بنک اکاؤنٹس بارے ریکارڈ ایف آئی اے نوں جمع کروا دتا اے۔رپورٹ وچ دسیا گیا کہ ملزم عمران داکوئی بنک اکاؤنٹ نہیں اے۔ بنک اکاؤنٹس دا دعوا کرکے لوکائی نوں گمراہ کرن دی سازش کیتی گئی۔
چیتے رہوے کہ ڈاکٹر شاہد مسعود نے اپنے پروگرام وچ زینب قتل کیس دے مرکزی ملزم عمران بارے گل بات کردے ہوئے آکھیا سی کہ زینب قتل کیس دے ملزم عمران دے 37توں ودھ بنک اکاؤنٹس نیں جدکہ اعلا سیاسی شخصیتاں تے وفاقی وزیر دا وی ایہدے نال تعلق اے۔ پر ہن ڈاکٹر شاہد مسعود نے اوہنوں صرف اپنا شک قرار دتا تے آکھیا کہ میں صرف شک دی بنیاد اُتے وفاقی وزیر دا ناں لیا سی۔
