زینب دے قاتل عمران نوں سبھ جاندے سن، ملزم اپنے اُتے جِناں دا سایہ ہون دا ڈرامہ کردا سی: زینب دے والد دا انکشاف

زینب دے قاتل عمران نوں سبھ جاندے سن، ملزم اپنے اُتے جِناں دا سایہ ہون دا ڈرامہ کردا سی: زینب دے والد دا انکشاف

قصور(پاکستان پوائنٹ نیوز23۔جنوری2018ء) زینب دے والد نے انکشاف کیتا اے کہ اوہناں دی دھی دے قاتل عمران نوں سبھ جاندے سن۔ تفصیل مطابق قصور دی نکی بالڑی زینب تے ہور معصوم بالڑیاں دا قاتل عمران نامی ملزم آخیر گرفتار کر لیا گیا اے۔ عمران نوں پولیس دی سپیشل برانچ نے گرفتار کیتا اے۔ ملزم دا ڈی این اے وی مقتول بالڑی دے ڈی این اے نال میچ کر گیا اے۔

دوجے پاسے اپنی دھی دے قاتل دی گرفتاری اُتے زینب دے والد نے وی ردعمل دا وکھالا کیتا اے۔ زینب دے والد نے نجی ٹی وی چینل نال گل بات کردے ہوئے انکشاف کیتا اے کہ اوہناں دی دھی دے قاتل عمران نوں سبھ جاندے سن۔ عمران دیاں حرکتاں ہمیشہ مشکوک سن۔ زینب دے قتل مگروں جدوں پولیس نے عمران دا ڈی این اے ٹیسٹ لین دی کوشش کیتی تے اوہنے بہت ڈرامہ کیتاسی۔ عمران ولوں کیتے گئے ڈرامے کارن اوہدے اُتے شک ودھ گیا سی۔ ملزم اپنے آپ اُتے جِناں دا سایہ ہون دا ڈرامہ کردا سی جہدی وجہ توں لوک خوف دا شکار ہو گئے تے اوہدے توں لوکاں دا دھیان پرے ہوگیا۔ زینب دے والد نے اپنی دھی دے قاتل نوں سرعام پھانسی دین دا مطالبہ وی کیتا اے۔