پنجاب: غیر ملکی فنڈز لین والیاں 3 ہزار 427 این جی اوز اُتے پابندی لا دِتی گئی

لاہور(پاکستان پوائنٹ نیوز06۔ستمبر2016ء) پنجاب سرکار نے نیشنل ایکشن پلان دے تحت کارروائی کردے ہوئے غیر ملکی فنڈز لین والیاں 3 ہزار 427 این جی اوز اُتے پابندی لا دتی۔ ڈی جی سوشل ویلفیئر پنجاب دے مطابق پنجاب وچ 10 ہزار توں ودھ این جی اوز رجسٹرڈ نیں جہناں وچوں 3 ہزار 427 این جی اوز وچ مشکوک بندیاں دی موجودگی پاروں اوہناں اُتے پابندی لاندے ہوئے اوہناں نوں ڈی رجسٹرڈ کر دِتا اے جدکہ 4215 توں ودھ این جی اوز دی جیوٹر ٹیکنگ وی کیتی گئی اے تے محکمے نے این جی اوز اُتے پوری طرحاں نظر رکھی ہوئی اے جِتھے وی معاملا مشکوک نظر آوندااے اوتھے سخت ایکشن لیندے آں۔