لاہور ہائی کورٹ دے گیٹ توں مشکوک شخص چھریاں سنے گرفتار

لاہور ہائی کورٹ دے گیٹ توں مشکوک شخص چھریاں سنے گرفتار

لاہور(پاکستان پوائنٹ نیوز06۔ستمبر2016ء) لاہور ہائی کورٹ دے گیٹ توں پولیس نے لاہور دے رہائشی مشکوک بندے نوں دو چھریاں سنے گرفتار کر لیا۔ وسیلیاں دے مطابق منگل دے دیہاڑے لاہور ہائی کورٹ دے جی پی او چوک دے گیٹ توں فیروز خان نامی مشکوک بندے نوں گرفتار کیتا گیا تے اوہدے کولوں دو چھریاں وی برآمد ہوئیاں جدکہ ملزم نے گرفتاری دوران ڈاڈھی مزاحمت کیتی پر پویس نے اوہنوں گرفتار کرن دے بعد نامعلوم تھاں اُتے منتقل کر دِتا اے ۔ پولیس دے مطابق ملزم دا تعلق لاہور دے علاقے امامیہ کالونی توں اے۔