لاہور: علامہ اقبال انٹرنیشنل ائر پورٹ منصوبے دے ودھا دی منظوری دے دِتی گئی

لاہور: علامہ اقبال انٹرنیشنل ائر پورٹ منصوبے دے ودھا دی منظوری دے دِتی گئی

لاہور(پاکستان پوائنٹ نیوز06۔ستمبر2016ء) لاہور دے علامہ اقبال انٹرنیشنل ائر پورٹ منصوبے دے ودھا دی حتمی منظوری دے دِتی گئی اے۔ تفصیل دے مطابق توسیعی منصوبے دی حتمی منظوری وزیر اعظم میاں نواز شریف دی صدارت ہیٹھ ہون والے سول ایوی ایشن دے اعلا سطح دے اجلاس وچ دِتی گئی۔ جہدے وچ وزیر اعظم نواز شریف نے توسیعی منصوبے دے ڈیزائن دی منظوری دیندے ہوئے کم شروع کرن دا حکم دِتا اے۔

توسیعی منصوبے دے تحت ائر پورٹ اُتے 7 جہاز کھڑے ہون دی تھاں نوں ودھا کے 31 کر دِتا جائے گا۔ دو بیسمنٹ تے اک گراؤنڈ لیول اُتے مشتمل تِن لیول دی کار پارکنگ بنائی جائے گی، 45 ہزار گڈیاں تے دو ہزار موٹر سائیکلاں دے پارکنگ لاٹس بنائے جان گے۔ جدکہ ائر پورٹ آن تے جان والیاں گڈیاں دیاں 6.6 لائناں اُتے مشتمل سڑک بنائی جائے گی۔