کراچی(پاکستان پوائنٹ نیوز06۔ستمبر2016ء) پاکستان ریلوے نے وڈی عید دے موقعے اُتے کراچی توں 2 سپیشل ٹریناں چلان دا اعلان کیتا اے۔ ڈی سی او ریلویز کراچی ناصر نذیر نے دسیا کہ پہلی عید سپیشل ٹرین 10 ستمبر نوں کراچی توں پشاور لئی روانا ہووے گی جو دن 11 وجے کراچی سٹی ریلوے سٹیشن توں روانا ہو کے روہڑی، ملتان ، فیصل آباد، سرگودھا ، ملک وال، لالہ موسی ،راولپنڈی توں ہوندی ہوئی رات ساڈھے 10 وجے پشاور پہنچے گی۔
جہدے وچ 15 اکانومی ڈبے ہون گے جدکہ دوجی عید سپیشل ٹرین 11 ستمبر نوں دن 11 وجے کراچی کینٹ سٹیشن توں چلے گی جو ملتان تے فیصل آباد توں ہوندی ہوئی 12 ستمبر نوں سویرے 11 وجے لاہور پہنچے گی جہدے وچ اک اے سی سلیپر، اک اے سی بزنس، دو اے سی سٹینڈرڈ تے اکانومی کلاس دیاں کوچاں لائیاں جان گیاں۔
