افسران انصاف دا دامن ہتھوں نہ چھڈن، دہشت گردی خلاف جنگ وچ پنجاب پولیس دیاں قربانیاں نہ بُھلن جوگ نیں: وزیر اعلا پنجاب

افسران انصاف دا دامن ہتھوں نہ چھڈن، دہشت گردی خلاف جنگ وچ پنجاب پولیس دیاں قربانیاں نہ بُھلن جوگ نیں: وزیر اعلا پنجاب

لاہور(پاکستان پوائنٹ نیوز06۔ستمبر2016ء) وزیر اعلا پنجاب میاں شہباز شریف نے آکھیا اے کہ پولیس افسراں دی شفاف انداز وچ محکمے وچ رلت ہوئی اے تے امید کردے آں کہ نویں پولیس افسر انصاف دا دامن ہتھوں نہیں چھڈن گے۔ تفصیل دے مطابق منگل دے دیہاڑے سہالہ پولیس اکیڈمی وچ سب انسپکٹر دی پاسنگ آؤٹ پریڈ دی تقریب نال خطاب کردے ہوئے وزیر اعلا پنجاب نے آکھیاکہ اج مینوں اہم دن دے موقعے اُتے شاندار تقریب وچ رلت کر کے خشی ہوئی اے تے پولیس افسراں دی شفاف انداز نال محکمے وچ انٹری ہوئی اے تے امید کیتی جاندی اے کہ نویں پولیس افسر انصاف دا دامن ہتھوں نہیں چھڈن گے۔

اوہناں دا کہنا سی کہ پولیس افسر غیر جانبداری نال اپنے فرض نبھاون گے۔ اوہناں نے آکھیا کہ پویس جوان، مذہب، سیاست تے ذات پات توں بالاتر ہو کے خدمتاں انجام دین جدکہ تہاڈی زندگی دا پہلا مقصد انصاف دا بول اُچا کرنا ہونا چاہیدا۔ ایس موقعے اُتے وزیر اعلا پنجاب دا ہور کہنا سی کہ دہشت گردی خلاف جنگ وچ پنجاب پولیس دیاں قربانیاں نہ بُھلن جوگ نیں۔اوہناں دا کہنا سی کہ پاکستان دے قیام نے ہر بندے نوں عزت تے آزادی نال نوازیا اے۔