اسلام آباد(پاکستان پوائنٹ نیوز18۔جنوری2018ء) سیاسی مخالفاں ولوں دھرنے دے ڈر توں حکومت نے اسلام آباد وچ جلسے ، جلوساں اُتے 2مہینیاں لئی پابندی لا دتی اے۔ تفصیل مطابق لاہور وچ متحدہ اپوزیشن دے احتجاج مگروں اسلام آباد وچ وی حکومت نوں مخالفاں ولوں احتجاج دا ڈر پیدا ہو گیا اے۔ جہدے کارن اسلام آبا دی ضلعی انتظامیہ نے لاہور وچ اپوزیشن جماعتاں دے سانجھے جلسے تے دھرنے اُتے ممکنہ ردعمل نوں مُکھ رکھدے ہوئے وفاقی راجدھانی وچ جلسے، جلوساں تے مجلساں اُتے دو مہینیاں لئی پابندی لا دتی اے، جہدا نوٹی فکیشن وی جاری کر دتا گیا اے۔
نوٹی فکیشن مطابق شہر بھر وچ لاؤڈ سپیکر، کیسٹ پلیئر تے ہور ساؤنڈ سسٹم راہیں تقریر اُتے 17مارچ تیکر پابندی اے۔ انتظامیہ دا کہنا ا ے کہ خلاف ورزی کرن والیاں خلاف دفعہ 144دے تحت کارروائی کیتی جائے گی۔
