پی ٹی آئی دا میگا پراجیکٹ ٹُٹ بھج دا شکار: باب پشاور فلائی اوور وچ دراڑاں پے گئیاں

پشاور(پاکستان پوائنٹ نیوز16۔جنوری2018ء) پی ٹی آئی دا پشار وچ پہلا میگا پراجیکٹ ٹُٹ بھج دا شکارہو گیا اے۔ چیئرمین پی ٹی آئی عمران خان نے 18جنوری 2016نوں میگا پراجیکٹ دا افتتاح کیتا سی۔ میڈیا رپورٹس مطابق باب پشاور فلائی اوور وچ دراڑاں پین نال فلائی اوور دے ڈِگن دا ڈر اے۔ فلائی اوور نوں اک ارب 77کروڑ دی لاگت نال تعمیر کیتا گیا سی پر فلائی اوور دی اُساری نوں اجے صرف اک سال ہویا اے۔ دسیا جا رہیا اے کہ لوکاں نے ضلعی انتظامیہ نوں فلائی اوور وچ دڑاں پین دی شکایت وی درج کروائی اے۔ فلائی اوور وچ دراڑاں پین نال لوک خوف دا شکار نیں۔ لوکاں نے مطالبہ کیتا اے کہ فلائی اوور دی چھیتی مرمت کردے ہوئے ناقص میٹریل استعمال کرن والیاں خلاف کارروائی کیتی جائے۔