اسلام آباد(پاکستان پوائنٹ نیوز13۔جنوری2018ء) افغان خفیہ ایجنسی این ڈی ایس ولوں پاکستانیاں نوں اغوا کیتے جان دا انکشاف ہویا اے۔پاکستانیاں نوں یرغمال بنا کے ملک مخالف جاسوسی لئی مجبور کیتا جا رہیا اے۔ میڈیا رپورٹس مطابق افغان خفیہ ایجنسی افغانستان وچ پاکستانیاں دے اغوا وچ ملوث نکلی۔ پچھلے تن مہینیاں وچ این ڈی ایس نے کئی پڑھے لکھے پاکستانیاں نوں اغوا کیتا۔
این ڈی ایس پاکستانیاں نوں یرغمال بنا کے جاسوسی لئی مجبور کررہی اے۔ اغوا ہون والیاں وچ بین الاقوامی کمپنیاں نال جُڑے پاکستانی وی شامل نیں۔ وسیلیاں دا کہنا اے کہ جو پاکستانی جاسوسی لئی راضی نہیں ہوندے اوہناں نوں تشدد دا نشانہ بنایا جاندا اے۔ دوجے پاسے پاکستانی سفارتخانے نے وی پڑھے لکھے پاکستانیاں نوں اغوا کیتے جان دی تصدیق کیتی اے۔ پاکستانی سفیر دا کہنااے کہ مغویاں دی رہائی تے اغوا دا معاملا افغان حکومت ساہمنے رکھیا جائیگا۔
