قصور دُکھانت: نِکے بالاں دے ماں پیو پریشان

راولپنڈی وچ ماں پیو نے بالاں دے ویلے توں پہلاں سکول اپڑن اُتے پابندی دا مطالبہ کر دتا

قصور دُکھانت: نِکے بالاں دے ماں پیو پریشان
راولپنڈی وچ ماں پیو نے بالاں دے ویلے توں پہلاں سکول اپڑن اُتے پابندی دا مطالبہ کر دتا

راولپنڈی(پاکستان پوائنٹ نیوز12۔جنوری2018ء) نجی سکولاں وچ پڑھن والے پڑھیار تے پڑھیارناں دے ماں پیو نے سکول انتظامیہ توں مطالبہ کیتا اے کہ پڑھیار تے پڑھیارناں دے ویلے توں پہلاں سکول اپڑن اُتے پابندی لائے جائے۔ خبر رساں ادارے نال گل بات کردے ہوئے بالاں دے ماں پیو دا کہنا سی کہ پک اینڈ ڈراپ سروس والے دو توں تن شفٹاں نوں سکول چھڈن دے چکر وچ بالاں نوں سکول ویلے توں بہت پہلے ای چھڈ دیندے نیں جو کہ سکیورٹی رسک اے۔

ایس لئی سکول انتظامیہ ایس مسئلے دے حل لئی چھیتی اقدامات کرے تے سکول ٹائم توں ادھا گھنٹہ پہلاں کسے وی پڑھیار نوں سکول دی حد وچ وڑن دی اجازت نہ دتی جائے۔ پڑھیار تے پڑھیارناں دے ماں پیو نے دسیا کہ بالاں دی سکول وچ ویلے توں پہلاں موجودگی کسے دُکھانت نوں جنم دے سکدی اے ایس لئی ایس مسئلے اُتے سنجیدگی نال غور کردے ہوئے اوہناں حل کیتا جائے۔