تیجا ون ڈے: قومی ٹیم وچ دو تبدیلیاں دی آس

ڈیونیڈن(پاکستان پوائنٹ نیوز12۔جنوری2018ء) کیویز خلاف پہلے دو ون ڈے میچاں وچ لگارتا ناکامیاں توں پریشان ٹیم مینجمنٹ نے تیجے ون ڈے لئی ٹیم وچ دو تبدیلیاں دا فیصلا کر لیا اے۔ ٹیم انتظامیہ مطابق اوپنر فخر زمان نوں اظہر علی یاں امام الحق دی تھاں شامل کیتا جائے گا جدکہ پہلے دو میچاں وچ ڈاڈھی طرحاں ناکام رہن والے فاسٹ باؤلر رومان رئیس دی تھاں آل راؤنڈر عامر یامین یاں حارث سہیل نوں کھڈایا جائے گا۔ وسیلیاں مطابق ٹیم مینجمنٹ لئی سبھ توں وڈی پریشانی ایہ اے کہ پہلے دوویں ون ڈے میچاں وچ بیٹنگ تے باؤلنگ ڈاڈھی طرحاں ناکام وکھائی دتی۔ انتظامیہ نے کھڈاریاں نوں تیجے ون ڈے وچ چنگا کھیڈن دی ہدایت کیتی اے۔