زینب اک مہینے توں چُپ چُپ رہن لگی سی: والدہ

قصور(پاکستان پوائنٹ نیوز12۔جنوری2018ء) قصور وچ زیادتی دا شکار ہون والی نِکی بالڑی زینب دی ماں نے نجی ٹی وی چینل نال گل بات کردے ہوئے آکھیا کہ میری دھی وی فرشتہ سی۔ اوہ اک مہینے توں چُپ چُپ رہن لگی سی۔ اوہناں نے دسیا کہ زینب میرے بغیر بلکل نہیں رہ سکدی سی۔ میں اوہنوں آخری وار ائر پورٹ اُتے ویکھیا سی۔ مینوں مدینے وچ زینب دے اغوا دی خبر ملی۔ زینب دی ماں نے ہور آکھیاکہ اللہ کرے زینب نال زیادتی کرن والا فرعون درندہ زمین وچ دھنس جائے۔ یاد رہوے کہ ست ورھیاں دی زینب گھروں سپارہ پڑھن گئی پر واپس نہیں آئی۔ زینب نوں اغوا کرن مگروں زیادتی دا نشانہ بنایا گیا، جہدی لاش کوڑے دے ڈھیر توں ملی۔