قصور: زینب کیس مگروں اک ہور کیس ساہمنے آ گیا

نوجوان کُڑی اک مہینے توں لاپتا، پولیس کارروائی کرن توں انکاری

قصور: زینب کیس مگروں اک ہور کیس ساہمنے آ گیا
نوجوان کُڑی اک مہینے توں لاپتا، پولیس کارروائی کرن توں انکاری

قصور(پاکستان پوائنٹ نیوز11۔جنوری2018ء)قصور وچ زینب کیس مگروں اک ہور دُکھ بھریا کیس ساہمنے آیا اے۔ اک مہینے توں لاپتا ہون والی کُڑی رہا نہ کروائی جا سکی۔ پولیس کارروائی کرن توں انکاری، ماں پیو رُل گئے۔ تفصیل مطابق قصور وچ زینب قتل کیس مگروں اک ہور کیس ساہمنے آ گیا اے۔ اک مہینے توں لاپتا ہون والی کُڑی رہا نہ کروائی جا سکی۔ لاپتا ہون والی کُڑی دے ماں پیو نے الزام لایا کہ بار بار درخاستاں دین مگروں وی پولیس نے ساڈی دھی نوں رہا کروان لئی کُجھ نہیں کیتا۔

میڈیا نال گل بات کردے ہوئے بالڑی دے ماں پیو دا کہنا سی کہ ساڈا کوئی مطالبہ نہیں اے بس اسیں ایہو چاہندے آں کہ ساڈی دھی رہا ہو جائے۔ اوہناں دا ہور کہنا سی کہ اج ساڈی دھی اے کل کسے دی ہوئے گی۔ لاپتا کُڑی دے ماں پیو دا کہنا سی کہ اغوا کار موضع کھڈیاں دا کوئی بدمعاش اے جہدا کم ای کُڑیاں دی ویچ وٹک اے۔ اوہناں دا کہنا سی کہ جس بندے نوں پولیس گرفتارنہیں کر رہی اوہدے نال عام بندہ کیہ نبڑے گا۔ اوہناں دا کہنا سی کہ ملزم نے دھمکی دتی اے کہ جے تُسیں میڈیا نوں دسیا تے تہاڈی دھی تہانوں نہیں لبھے گی۔