اک سال وچ پنجاب بھر وچ 900بندیاں نوں جنسی زیادتی دا نشانہ بنایا گیا،ریپ تے جنسی زیادتی دے واقعیاں وچ 200فیصد وادھا ہویا

اک سال وچ پنجاب بھر وچ 900بندیاں نوں جنسی زیادتی دا نشانہ بنایا گیا،ریپ تے جنسی زیادتی دے واقعیاں وچ 200فیصد وادھا ہویا

قصور (پاکستان پوائنٹ نیوز11۔جنوری2018ء) اک سال وچ پنجاب وچ 900بندیاں نوں جنسی زیادتی دا نشانہ بنایا گیا، پچھلے ورھے ریپ تے جنسی زیادتی دے واقعیاں وچ 200فیصد ہویا۔ تفصیل مطابق پنجاب بھر وچ تقریبن اک سال دوران 900بندیاں نوں ریپ، گینگ ریپ تے زیادتی دا نشانہ بنایا گیا۔ دُکھ دی ایہ گل اے کہ بیتے ویلے دے مقابلے وچ ریپ، گینگ ریپ تے جنسی زیادتی دیاں وارداتاں وچ 200فیصد وادھا ہویا اے۔

ریپ، گینگ ریپ تے زیادتی دا نشانہ بنن والیاں وچ سوانیاں تے کُڑیاں دے نال نال معصوم بال وی وڈی گنتی وچ شامل نیں۔ ریکارڈ مطابق کئی بندیاں نوں گن پوائنٹ تے نشے والی شے پیا کے زیادتی تے ریپ دا نشانہ بنایا گیا۔ پولیس ولوں جنگلی انساناں نوں گرفتار کر کے اوہناں خلاف پنجاب دے وکھو وکھ ضلعیاں وچ مقدمے درج کیتے گئے۔ 47ملزماں دیاں عمراں 18سال توں گھٹ نیں۔