زینب دے والد نے وکھالویاں توں پرامن رہن دی اپیل کر دتی

قصور(پاکستان پوائنٹ نیوز11۔جنوری2018ء) زینب دے والد نے وکھالویاں توں پرامن رہن دی اپیل کیتی اے۔ تفصیل مطابق قصور دی نِکی بالڑی دے زیادتی مگروں قتل کیتے جان دے واقعے دے بعد شہر بھروچ وکھالیاں داسلسلا جاری اے۔ ایس حوالے نال ہن زینب دے والد دا اہم بیان ساہمنے آیا اے۔ زینب دے والد ولوں وکھالویاں دے ناں اُچیچا پیغام جاری کیتا گیا اے۔ پیغام وچ زینب دے والد نے وکھالویاں توں پرامن رہن دی اپیل کیتی اے۔ زینب دے والد نے اپیل کیتی اے کہ وکھالوی پرامن رہندے ہوئے کسے وی شے نوں نقصان نہ اپڑان۔ اوہناں دا کہنا سی کہ وکھالویاں توں سازشی لوک فائدہ چُک سکدے نیں۔