کوئٹہ(پاکستان پوائنٹ نیوز08۔جنوری2018ء) بلوچستان اسمبلی وچ بغاوت روکن دی کوشش اُتے وزیر اعظم شاہد خاقان عباسی نوں وی ناکامی دا ساہمنا کرنا پیا اے، باغی ارکان نے ملاقات کرن توں انکار کر دتا۔ تفصیل مطابق وزیر اعلا ثناء اللہ زہری دی حکومت دیاں جڑاں ہل گئیاں نیں۔ اوہناں خلاف عدم اعتماد دی قرار اُتے گنتی دیاں تیاریاں ہو گئیاں نیں۔ ایس حوالے نال وزیر اعظم شاہد خاقان عباسی نوں وی بلوچستان دی بغاوت روکن دی کوشش وچ ناکامی دا ساہمنا کرنا پیا اے۔
وزیر اعظم شاہد خاقان عباسی ایس ویلے کوئٹہ وچ نیں۔ ایس دوران اوہناں نے بلوچستان اسمبلی دے باغی ارکان اسمبلی نال ملاقات دی کوشش کیتی پر اوہناں نوں ایس حوالے نال ناکامی دا ساہمنا کرنا پیا اے۔ باغی ارکان نے وزیراعظم نال ملن توں انکار کر دتا۔
