تحریک انصاف ولوں رجسٹرار سپریم کورٹ دے اعتراضاں خلاف اپیل دائر

تحریک انصاف ولوں رجسٹرار سپریم کورٹ دے اعتراضاں خلاف اپیل دائر

اسلام آباد(پاکستان پوائنٹ نیوز05۔ستمبر2016ء) پاکستان تحریک انصاف نے پاناما لیکس دیاں تحقیقات لئی سپریم کورٹ وچ دوبارہ اپیل دائر کر دِتی۔ تفصیل دے مطابق پی ٹی آئی نے رجسٹرار سپریم کورٹ دے اعتراضاں خلاف پیر دے دیہاڑے سپریم کورٹ وچ اپیل دائر کیتی اے۔ اپیل پاکستان تحریک انصاف دے وکیلاں ولوں دائر کیتی گئی۔ اپیل وچ آکھیا گیا اے کہ درخاست اُتے رجسٹرار آف سپریم کورٹ دے اعتراضاں دا کوئی قانونی جواز نہیں بندا، پاناما لیکس اُتے درخاست سپریم کورٹ دے تن وکیلاں ے تجربے دا نچوڑ اے۔

ایس لئی درخاست نوں غیر سنجیدہ قرار دینا نا تجربا کاری تے وکیلاں دی بے عزتی اے۔درخاست وچ ہور آکھیا گیا اے کہ پاناما لیکس دا معاملا ڈاڈھا اہم تے لوکائی دے بنیادی حقاں دا اے۔ اپیل وچ مطالبا کیتا گیا اے کہ درخاست اُتے رجسٹرار آفس دے اعتراضاں نوں کالعدم قرار دِتا جائے، تے درخاست نوں مِتھے ویلے وچ سُنن دا فیصلا کیتا جائے۔ یاد رہوے کہ تحریک انصاف ولوں وزیر اعظم میاں نواز شریف خلاف پاناما لیکس معاملے اُتے درخاست دائر کیتی گئی سی جہنوں رجسٹرار آف سپریم کورٹ نے اعتراض لا کے رَد کر دِتا سی۔