ایگزیکٹ اک ہفتے وچ کُھل جائے گا: شعیب شیخ ملازماں نوں 15 مہینیاں دی تنخاہ تے بونس وی دیاں گے: شعیب شیخ دا اعلان

کراچی(پاکستان پوائنٹ نیوز05۔ستمبر2016ء) ایگزیکٹ دے سی ای او شعیب شیخ دی رہائی دے بعد بول دا پہلا اجلاس کراچی وچ بول دے دفتر وچ ہویا جہدے وچ ایگزیکٹ دے چیف ایگزیکٹو آفیسر شعیب شیخ نے اپنے ملازماں نال ملاقات کیتی تے اوہناں نال خطاب کیتا۔ ایس موقع اُتے شعیب شیخ دا کہنا سی کہ اوہ کوشش کرن گے کہ جلدی توں جلدی اپنے سارے ملازماں دیاں پچھلیاں تنخاہواں دین۔ اوہناں نے ایس موقع اُتے اعلان کیتا کہ سارے ملازماں نوں 15 مہینیاں دی تنخاہ تے بونسز دِتا جائے گا۔ جدکہ مشکل ویلے وچ ساتھ دین والے ایگزیکٹ دے اوہ ملازم جو جیل رہے اوہناں نوں گھر دِتا جائے گا۔ اوہناں نے آکھیا کہ ایگزیکٹ نوں چالو ہفتے کھول دِتا جائے گا۔ تے ہن دنیا نوں دسیا جائے گا کہ نمبر ون آئی ٹی کمپنی کیہ ہوندی اے۔