پاکستان ریلوے ولوں وڈی عید اُتے خصوصی ٹریناں چلان دا اعلان

لاہور(پاکستان پوائنٹ نیوز05۔ستمبر2016ء) پاکستان ریلوے نے وڈی عید دے موقعے اُتے خصوصی ٹریناں چلان دا اعلان کیتا اے۔ تفصیل دے مطابق پاکستان ریلوے انتظامیا نے وڈی عید دے موقعے اُتے خصوصی ٹریناں چلان دا اعلان کیتا اے ، ریلوے حکام دے مطابق وڈی عید دے موقعے اُتے خصوصی ٹریناں 8 ستمبر توں چلائیاں جا رہیاں نیں۔ خصوصی ٹریناں لاہور، کراچی، کوئٹہ ، پشاور ، ملتان ، سکھر تے راولپنڈی توں چلائیاں جان گیاں۔ ریلوے حکام دے مطابق خصوصی ٹریناں چلان دا مقصد مسافراں نوں سہولتاں دینا اے تاں جے وڈی عید اُتے لوکاں نوں اپنے اپنے جدی گھراں وچ پہنچن وچ آسانی رہوے تے اوہ عید اپنیاں وچ کر سکن۔