دل دے روگ پاروں شہریار خان ولوں عہدہ چھڈن دا امکان

لاہور(پاکستان پوائنٹ نیوز05۔ستمبر2016ء) دل دے روگ وچ مبتلا پاکستان کرکٹ بورڈ دے چیئرمین شہریار خان دے عہدہ چھڈن دا امکان ودھ گیا، اوہ اج کل لندن وچ علاج کرا رہے نیں، بدھ نوں سرجری دا وی امکان اے۔ تفصیل دے مطابق 82 ورھیاں دے چیئرمین پاکستان کرکٹ بورڈ شہریار خان دل دے روگ وچ مبتلا نیں تے ایس سلسلے وچ اج کل اوہناں دا لندن وچ علاج وی جاری اے۔ ڈاکٹراں نے اوہناں نوں ہر قسم دے ذہنی دباء توں دور رہن دا مشورا دتا اے پر قومی ون ڈے ٹیم دی ہار پاروں اوہناں اُتے دباء ودھدا جا رہیا اے جہدے پاروں اوہ طبی بنیادیاں اُتے چیئرمین پی سی بی دا عہدہ چھڈ سکدے نیں۔