لاہور: ڈولفن فورس دی فائرنگ نال بالڑی زخمی

لاہور: ڈولفن فورس دی فائرنگ نال بالڑی زخمی

لاہور(پاکستان پوائنٹ نیوز05۔ستمبر2016ء) لاہور دے علاقے نولکھا وچ ڈولفن فورس دی مبینا فائرنگ نال 7 ورھیاں دی بالڑی زخمی ہو گئی۔ تفصیل دے مطابق پولیس نے دسیا کہ فائرنگ دا وقعا پاتھی گراؤنڈ وچ پیش آیا۔ جِتھے خالد نامی نشہ ویچن والے نے اپنے بیلیاں دے نال ڈولفن فورس دے اہلکاراں اُتے فائرنگ کر دِتی جدکہ ڈولفن فورس ولوں جوابی فائرنگ دے نتیجے وچ 7 ورھیاں دی ہادیہ زخمی ہو گئی۔ پولیس نے ملزم خالد نوں گرفتار کر لیا۔ ایس پی مجاہدفورس سید کرار حسین دے مطابق ڈولفن فورس دے اک اہلکار نوں گرفتار کر کے تحقیقات شروع کر دِتیاں گئیاں نیں۔ دوجے پاسے آئی جی پولیس پنجاب نے واقعے دا نوٹس لیندے ہوئے ایس پی توں رپورٹ منگ لئی۔