اسلام آباد(پاکستان پوائنٹ نیوز05۔ستمبر2016ء) سپیکر قومی اسمبلی سردار ایاز صادق نے پی ٹی آئی چیئرمین عمران خان دی رکنیت ختم کرن لئی مسلم لیگ ن دے رہنما دانیال عزیز ولوں دائر ریفرنس الیکشن کمیشن نوں گھل دِتا اے۔ میڈیا رپورٹ دے مطابق پیر دے دیہاڑے سپیکر قومی اسمبلی نے پی ٹی آئی دے چیئرمین عمران خان خلاف ن لیگ دے رکن اسمبلی دانیال عزیز ولوں دائر ریفرنس الیکشن کمیشن نوں گھل دِتا اے۔
دانیال عزیز ولوں دائر ریفرنس وچ آکھیا گیاسی کہ عمران خان نے تِن سوکنال زمین نوں تحفہ ظاہر کیتا اے، حالانکہ اوہ اوہناں دی مُل خریدی ہوئی زمین اے جدکہ ریونیو ریکارڈ وچ وی ایہو درج اے کہ عمران خان نے تن سو کنال زمین خریدی سی۔ سپیکر قومی اسمبلی نے دسیا کہ ریکارڈ دے مطابق جمائما خان نے زمین ویچی تے پی ٹی آئی دے چیئرمین عمران خان نے ایس زمین نوں خریدیا۔ یاد رہوے کہ ایس توں پہلے عمران خان ولوں وی وزیر اعظم نواز شریف خلاف ریفرنس الیکشن کمیشن وچ جمع کروایا گیا اے۔جہدے وچ وزیر اعظم نوں نااہل قرار دین دی درخاست کیتی گئی اے۔
