پنجاب: سیلاب نال نبڑن لئی متعلقا ضلعیاں نوں اک ، اک کروڑ رُپئے جاری

پنجاب: سیلاب نال نبڑن لئی متعلقا ضلعیاں نوں اک ، اک کروڑ رُپئے جاری

لاہور(پاکستان پوائنٹ نیوز05۔ستمبر2016ء) مسلم لیگ لیگ ن دے رکن پنجاب اسمبلی آزاد علی تبسم نے آکھیا اے کہ سیلاب پاروں پیدا ہون والی صورتحال نال نبڑن لئی ضلعی انتظامیا نوں اک اک کروڑ رُپئے ایمرجنسی فنڈ دے طور اُتے جاری کر دِتے گئے نیں۔ اوہناں دا کہنا سی کہ اجے سیلاب دا خطرا تے نہیں پر انج دی کسے وی صورتحال نال نبڑن لئی تیار آں۔ یاد رہوے کہ پچھلے دِناں ہون والیاں بارشاں دے نتیجے وچ پی ڈی ایم اے نے سارے ضلعے جو دریاواں دے نیڑے نیں اوہناں دی ضلعی انتظامیا نوں اک اک کروڑ رُپئے ایمرجنسی فنڈزدے طور اُتے جاری کیتے نیں جہدا مقصد سیلاب آن اُتے کسے وی ہنگامی صورتحال وچ ریلیف تے ریسکیو دے سامان دی فوری خریداری نوں ممکن بنانا اے۔