راولپنڈی(پاکستان پوائنٹ نیوز22۔دسمبر2017ء) پاک فوج دے ترجمان میجر جنرل آصف غفور نے آکھیا اے کہ افغانستان دی جنگ ہن امریکا تے اوہدے اتحادیاں نے لڑنی اے، ساڈے اُتے افغانستان دی جنگ مسلط کیتی گئی، اسیں دہشت گرداں دے ٹھکانے ختم کر دتے، افغانستان وی ٹی ٹی پی دا خاتمہ کرے، امریکا نال بھرپور تعاون کیتا، القاعدہ نوں کیہ پاکستان دے بغیر شکست دتی جا سکدی سی؟ بھارت آزاد کشمیر وچ معصوم شہریاں نوں نشانہ بنا رہیا اے۔
میڈیا رپورٹس مطابق ڈی جی آئی ایس پی آر میجر جنرل آصف غفور نے اپنے بیان وچ آکھیاکہ ساڈے اُتے دہشت گردی خلاف افغانستان دی جنگ مسلط کیتی گئی۔ پاکستان ہمیشہ افغانستان نال تعاون کردا رہیا اے۔ پاکستان تے امریکا دے بڑے چنگے تعلقات رہے نیں۔ پاکستان عسکری سامان امریکا توں خریدا اے۔ پاک امریکا تعلقات وچ لاہ چڑھا کوئی نویں گل نہیں اے۔ اوہناں نے واضح کیتا کہ سانوں امریکا توں امداد نہیں بلکہ اعتماد چاہیدا۔
اوہناں نے آکھیا کہ سارے نیو کلیئر اثاثے محفوظ نیں جہدا امریکا آپ اعتراف کرچکیا اے۔ اوہناں دا کہنا سی کہ ساڈے اُتے افغانستان دی جنگ مسلط کیتی گئی۔اسیں دہشت گرداں دے ٹھکانے ختم کر دتے، افغانستان وی ٹی ٹی پی دا خاتمہ کرے۔ میجر جنرل آصف غفور دا کہنا سی کہ امریکا نال بھرپور تعاون کیتا، القاعدہ نوں کیہ پاکستان دے بغیر شکست دتی جا سکدی سی؟
