پشاور(پاکستان پوائنٹ نیوز22۔دسمبر2017ء) پشاور ہائی کورٹ نے وزیر اعلا خیبرپختونخوا ولوں ایم پی اے ضیاء اللہ آفریدی دے فنڈز روکن دا فیصلا کالعدم قرار دے دتااے۔چیف جسٹس پشاور ہائی کورٹ جسٹس یحیی آفریدی تے جسٹس غضنفر نے کیس دی سنوائی کیتی۔ حلقہ پی کے ون توں چُنے گئے ممبر صوبائی اسمبلی ضیاء اللہ آفریدی نے اک ارب رُپئے دی بندش خلاف پشاور ہائی کورٹ وچ درخاست دائر کیتی سی۔ ممبر صوبائی اسمبلی نے کیس وچ وزیر اعلا خیبر پختونخوا، سیکرٹری لوکل گورنمنٹ، ٹاؤن ناظم تے ٹاؤن میونسپل افسر نوں فریق بنایا سی۔ چیف جسٹس نے ریمارکس دیندے ہوئے آکھیا کہ وزیر اعلا نوں فنڈز رکھن دا اختیار نہیں۔ عدالت نے وزیر اعلا دا نوٹی فکیشن معطل کردے ہوےء فنڈز جاری کرن دا حکم جاری کیتا۔
پشاور ہائی کورٹ نے وزیر اعلا خیبرپختونخوا ولوں ایم پی اے ضیاء اللہ آفریدی دے فنڈز روکن دا فیصلا کالعدم قرار دے دتا
6 سال پچھے
