حلوے بند نہیں ہو سکدے پر دین تخت اُتے آیا تے شراب بند ہو جائے گی: خادم حسین رضوی

حلوے بند نہیں ہو سکدے پر دین تخت اُتے آیا تے شراب بند ہو جائے گی: خادم حسین رضوی

پنڈی بھٹیاں(پاکستان پوائنٹ نیوز22۔دسمبر2017ء) تحریک لبیک یار سول اللہ دے آگو علامہ خادم حسین رضوی تے پیر محمد افضل قادری نے آکھیا اے کہ وِک جان والے ہوندے تے ختم نبوت دھرنا فیض آباد دے موقعے اُتے غیبی و روحانی امداد نازل نہ ہوندی تے نہ ای اسم محمدﷺ آسمان اُتے لکھیا جاندا۔ سودے بازی کردے تے آپریشن، شہادتاں، وفاقی وزیر قانون دا استعفا نہ ہوندا تے نہ ای سی ون بی تے سی ون سی ختم نبوت توں متعلقہ شقاں بحال ہوندیاں۔

ایہناں خیالاں دا اظہار اوہناں نے شہید ختم نبوت ابو سفیان آف پنڈی بھٹیاں دے گھر فاتحہ خوانی مگروں پرچا کاراں نال گل بات کردے ہوئے کیتا۔ اوہناں نے آکھیا کہ ختم نبوت مارچ و دھرنے وچ جان توں پہلاں اسیں دوواں نے مسجد وچ دعا کیتی سی کہ جے ذاتی مفاد یاں دنیاوی مقصد لئی نکلے آں تے یا اللہ سانوں راہ وچ ای موت دے دیوی۔ اوہناں نے ہور آکھیا کہ تحریک لبیک تے حکومت پاکستان و حکومت پنجاب وچکار سمجھوتیاں اُتے پوری طرحاں عمل ہون تیکر مطمئن نہیں ہوواں گے۔

علامہ خادم حسین رضوی تے پیر محمد افضل قادری نے ہور آکھیا کہ تحریک لبیک یار سول اللہ نے ختم نبوت و ناموس رسالتﷺ اُتے حملا ناکام بنایا تے دین دشمن طاقتاں، اوہناں دے آلہ کاراں تے مخالفاں نے تہمتاں لانیاں شروع کر دتیاں۔ پر رسول ﷺ دے غلام افواہواں تے ناجائز تہمتاں دی بجائے اپنے عظیم دینی مشن ول توجہ دین۔ اک سوال دے جواب وچ اوہناں نے آکھیا کہ حلوے بند نہیں ہو سکے پر دین تخت اُتے آیا تے شراب بند ہو جائے گی۔

اوہناں د ا کہنا سی کہ وِک جان والے ہوندے تے ختم نبوت دھرنا فیض آباد دے موقعے اُتے غیبی و روحانی امداد نازل نہ ہوندی تے نہ ای اسم محمدﷺ آسمان اُتے لکھیا جاندا۔ اوہناں نے ہور آکھیا کہ سودے بازی کردے تے آپریشن، شہادتاں، وفاقی وزیر قانون دا استعفا نہ ہوندا تے نہ ای سی ون بی تے سی ون سی ختم نبوت توں متعلقہ شقاں بحال ہوندیاں۔