شہباز شریف دی وزیراعظم لئی نامزدگی چنگا فیصلا ثابت ہو سکدا اے: چودھری نثار علی خان

شہباز شریف دی وزیراعظم لئی نامزدگی چنگا فیصلا ثابت ہو سکدا اے: چودھری نثار علی خان

اسلام آباد(پاکستان پوائنٹ نیوز22۔دسمبر2017ء) پاکستان مسلم لیگ (ن) دے مرکزی رہنما و سابق وزیر داخلا چودھری نثار علی خان نے آکھیا اے کہ شہباز شریف دی وزیراعظم لئی نامزدگی چنگا فیصلا ثابت ہو سکدا اے، مسلم لیگ (ن) اک جمہو ری جماعت اے۔ غیر سیاسی لوکاں دے فیصلیاں کارن پارٹیاں دی ساکھ متاثر ہوندی اے۔ سیاسی جماعتاں ٹویٹس تے ٹکرز نال نہیں چلدیاں، ٹَکر دی بجائے سیاسی مخالفاں ول دھیان کرنا چاہیدا۔

اوہناں نے اج گل بات کردے ہوئے آکھیا کہ شہباز شریف دی وزیراعظم لئی نامزدگی چنگا فیصلا ثابت ہو سکدا اے۔ شہباز شریف نوں اوہناں دی صلاحیت مطابق کم کرنا دتا جائے۔ اوہناں نے آکھیا کہ مسلم لیگ (ن) اک جمہوری جماعت اے۔ پر مسلم لیگ(ن) ایس ویلے نازک دور توں گزر رہی اے۔ ایس ویلے ہوش نال فیصلے کرن دی بہت ضرورت اے۔ اوہناں نے آکھیا کہ غیر سیاسی لوکاں دے فیصلیاں کارن پارٹیاں دی ساکھ متاثر ہوندی اے۔ سیاسی جماعتاں ٹویٹس تے ٹکرز نال نہیں چلدیاں۔ چودھری نثار علی خان دا کہنا سی کہ ٹکر دی بجائے سیاسی مخالفاں ول دھیان کرنا چاہیدا۔