اسلام آباد(پاکستان پوائنٹ نیوز22۔دسمبر2017ء) پاکستان نے امریکا نوں خبردار کیتا اے کہ اتحادی ملکاں نوں اک دوجے نوں نوٹس نہیں دینا چاہیدا، نوٹس اوہناں نوں دینا چاہیدا جو افغانستان وچ منشیات دی پیداوار تے کرپشن وچ وادھا کر رہے نیں، افغانستان وچ داعش دیاں جڑاں پکیاں کرن دے ذمے واراں نوں وی نوٹس دینا چاہیدا۔ ترجمان دفتر خارجا پاکستان ڈاکٹر فیصل نے امریکی نائب صدر ریکس ٹلر سن دے پاکستان نوں نوٹس دین دے بیان اُتے اپنے ردعمل وچ واضح کیتا اے کہ امریکی نائب صدر دا بیان ملاقاتاں دوران ہون والی گل بات نال میل نہیں کھاندا۔
اتحادی ملک اک دوجے نوں نوٹس نہیں دیندے۔ نوٹس اوہناں نوں دینا چاہیدا جو افغانستان وچ منشیات دی پیداوار تے کرپشن وچ وادھا کر رہے نیں۔اوہناں دا کہنا سی کہ افغانستان وچ داعش دیاں جڑاں پکیاں کرن دے ذمے واراں نوں وی نوٹس دینا چاہیدا ۔افغانستان وچ داعش دے تلسط دے ذمے واراں نوں نوٹس دینا چاہیدا۔ فریقاں دی توجہ امن دے فروغ ول ہونی چاہیدی۔ ترجمان نے آکھیاکہ اتحادی ملک اک دوجے نوں نوٹس نہیں دیندے۔ نوٹس اوہناں نوں ملنا چاہیدا جہناں دی افغانستان وچ حکومتی عملداری گھٹ ہو رہی اے۔
