لاہور(پاکستان پوائنٹ نیوز19۔دسمبر2017ء) پاکستان تے چین نے سی پیک لئی سانجھی کرنسی دے وٹاندرے دا سمجھوتا بحال کرن دا فیصلا کر لیا اے۔ تفصیل مطابق چین دے تاجراں نوں پاکستان اندر اپنی کرنسی ورتن دی اجازت ہوئے گی جدکہ پاکستانی تاجر وی اپنی کرنسی چین وچ ورت سکن گے۔ دوویں ملکاں وچ کسے دوجے ملک دی کرنسی نہیں ورتی جا سکے گی۔ سی پیک دے منصوبیاں وچ وی مقامی کرنسی نوں ورتیا جائے گا۔
پاکستان تے چین وچکار قرضیاں دی ادائیگی وی مقامی کرنسی دے مطابق ہوئے گی۔ سمجھوتے دے تحت پاکستان سٹیٹ بنک تے چین دے مرکزی بنک وچکار تعاون نوں ودھان وچ وی مدد ملے گی۔ دوویں ملکاں وچ پچھلے دور حکومت وچ کرنسی سویپ سمجھوتا طے ہو گیا سی پاکستان تے چین نے 2030تیکر ایس سمجھوتے نوں بحال کرن دا فیصلا کیتا اے۔
