لاہور(پاکستان پوائنٹ نیوز13۔دسمبر2017ء) آل پاکستان مسلم لیگ دے سربراہ و سابق صدر جنرل (ر) پرویز مشرف نے آکھیا اے کہ کارگل دے معاملے اُتے نواز شریف نے فوج دی بے عزتی کروائی، کارگل دی حقیقت چودھری شجاعت تے راجا ظفر الحق دس سکدے نیں، نواز شریف اپنے پیراں اُتے آپ کلہاڑی مارن دے ماہر نیں، نواز شریف نے کرپشن کیتی اے ہن ٹرائل دا ساہمنا کرے۔ اوہناں نے نجی ٹی وی چینل نال گل بات کردے ہوئے آکھیا کہ نواز شریف اپنے پیراں اُتے کلہاڑی مارن دا ماہر اے۔
اوہناں دا کہنا سی کہ شریف برادران ملک نوں ٹھیک نہیں چلاندے۔ نواز شریف اپنے اختیاراں دی غلط ورتوں کردے نیں۔ اوہناں نے آکھیاکہ نواز شریف نے کرپشن کیتی اے ہن ٹرائل دا ساہمنا کرے۔ ملک دی معاشی حالت سبھ دے ساہمنے اے۔ آئین وچ کوئی چیک اینڈ بیلنس نہیں اے۔ پرویز مشرف نے آکھیا کہ کارگل دے معاملے اُتے نواز شریف نے فوج دی بے عزتی کروائی اے۔ کارگل دی حقیقت چودھری شجاعت تے راجا ظفر الحق دس سکدے نیں۔ پرویز مشرف نے واضح کیتا کہ میرے خلاف سارے جعلی کیس بنائے گئے نیں۔ اوہناں دا کہنا سی کہ میں نواز شریف وانگ ملک نوں نہیں لُٹیا۔
