ملک بھر وچ اک ای دن عید منان تے روزہ رکھن دا فیصلا، قانونی بل تیار

ملک بھر وچ اک ای دن عید منان تے روزہ رکھن دا فیصلا، قانونی بل تیار

لاہور(پاکستان پوائنٹ نیوز13۔دسمبر2017ء) ملک بھر وچ اک ای دن عید منان تے روزہ رکھن دا فیصلا کر لیاگیا، وزارت مذہبی امور نے چن ویکھن بارے قانونی بل تیار کرلیا اے۔ میڈیا رپورٹس مطابق وزارت مذہبی امور نے چن ویکھن بارے قانونی بل نوں حتمی شکل دے دتی اے۔ بل دے مسودے نوں وفاقی کابینہ توں منظوری مگروں چھیتی پارلیمنٹ وچ پیش کر دتا جائے گا۔ پارلیمنٹ توں بل دی منظوری مگروں ملک بھر وچ اک ای دن عید تے روزہ رکھیا جائے گا۔

قانون دی خلاف ورزی اُتے کارروائی کیتی جاسکے گی۔ وسیلیاں مطابق وزارت مذہبی امور مطابق پارلیمنٹ ولوں بل دی منظوری مگروں چن ویکھن دا قانون بن جائے گا۔ مرکزی رویت ہلال کمیٹی دے چن ویکھن توں پہلاں کسے وی علاقے وچ چن دا اعلان کرنا جرم مِتھیا جائے گا۔ خلاف ورزی اُتے اک لکھ رُپئے جرمانہ تے قید دی سزا ہوئے گی۔