لاہور(پاکستان پوائنٹ نیوز11۔دسمبر2017ء) کراچی توں سیالکوٹ جان والی علامہ اقبال ایکسپریس دیاں بوگیاں دی حالت اینی مَندی اے کہ اوہ کسے وی ویلے کسے دُکھانت دا کارن بن سکدیاں نیں۔تفصیل مطابق خواجا سعد رفیق نوں ریلوے دی وزارت دا انتظام سنبھالے چار ورھے ہو گئے نیں تے ایس دوران ویکھن نوں ریلوے دی حالت وچ کُجھ بہتری وی آئی اے پر حالات اینے وی چنگے نہیں نیں جہدا دعوا کیتا جاندا اے۔ کراچی توں سیالکوٹ جان والی علامہ اقبال ایکسپریس دیاں بوگیاں دی حالت اینی ماڑی اے کہ اوہ کسے ویلے وی کسے دُکھانت دا کارن بن سکدیاں نیں۔ بوگیاں دی مندی حالت اُتے اک نوجوان ولوں بنائی گئی ویڈیو نے سارے دعویاں نوں بے بنیاد قرار دے دتا اے۔ بوگیاں دی حالت نوں ویکھیے تے اِنج لگدا اے کہ گڈی 50کلو میٹر دا پَندھ وی نہ کر سکے پر ساڈے ریلوے حکام اجیہیاں بوگیاں نوں کراچی توں سیالکوٹ ورگے روٹ اُتے چلا رہے نیں۔ ویڈیو تُسیں وی ویکھو:
علامہ اقبال ایکسپریس دیاں بوگیاں دی حالت کسے وی وڈے دُکھانت دا کارن بن سکدیاں نیں، ویڈیو ساہمنے آ گئی
6 سال پچھے
