راولپنڈی(پاکستان پوائنٹ نیوز11۔دسمبر2017ء) چیف آف آرمی سٹاف جنرل قمر جاوید باجوہ نال امریکی سفیر ڈیوڈ ہیل نے ملاقات کیتی، ملاقات دوران علاقائی سکیورٹی سنے سانجھے مفاداں دے حوالے نال وچار وٹاندرا کیا گیا۔ آئی ایس پی آر مطابق آرمی چیف جنرل قمر جاوید باجوہ نال امریکی سفیر ڈیوڈ ہیل نے جی ایچ کیو وچ ملاقات کیتی۔ ملاقات دوران خطے دی سکیورٹی صورتحال و سانجھے مفاداں دے حوالے نال وچار وٹاندرا کیا گیا۔
ملاقات دوران امریکی سفیر ڈیوڈ ہیل نے پاکستان دیاں دہشت گردی خلاف قربانیاں دی تعریف کردے ہوئے پاک فوج ولوں خطے دے امن و استحکام لئی کوششاں نوں سلاہیا۔ یاد رہوے کہ آرمی چیف جنرل قمر جاوید باجوہ نال امریکی سفیر نے اوس ویلے ملاقات کیتی جدوں امریکا خلاف پاکستان سنے دنیا بھر وچ احتجاجی وکھالے جار ی نیں۔ امریکا دے یروشلم نوں اسرائیلی دارالحکومت منن خلاف امریکی اتحادیاں نے وی تشویش دا وکھالا کیتا اے جدکہ مسلم ملکاں وچ وڈے آنکڑیاں اُتے احتجاجی وکھالے وی جاری نیں۔
