قومی اسمبلی وچ پاکستان کمیشن آف انکوائری 2016 بل پیش کر دِتا گیا

قومی اسمبلی وچ پاکستان کمیشن آف انکوائری 2016 بل پیش کر دِتا گیا

اسلام آباد(پاکستان پوائنٹ نیوز02۔ستمبر2016ء) قومی اسمبلی وچ جمعے نوں پاکستان کمیشن آف انکوائری 2016 بل پیش کر دِتا گیا اے۔ بل دے تحت کمیشن آف انکوائری سارے امور دیاں تحقیقات کر سکے گا، کمیشن عدالتی، تحقیقات تے غیر ملکی ثبوت حاصل کر سکے گا تے کسے نوں وی تحقیقات لئی مِتھ سکے گا۔ جمعے نوں قومی اسمبلی دے اجلاس وچ وفاقی وزیر قانون زاہد حامد نے پاکستان کمیشن آف انکوائری 2016 ایوان وچ پیش کیتا، وفاقی وزیر زاہد حامد نے بل دے فائدے تے مقصد بیان کیتے۔

پانا لیکس دے حوالے نال گل بات کردے ہوئے اوہناں نے آکھیا کہ جدوں پاناما لیکس دے حوالے وزیر اعظم نے قوم نال خطاب کیتا سی ایہدے بعد حکومت نے سپریم کورٹ نال رابطا کیتا کہ فوری طور اُتے اوہدیاں تحقیقات لئی کمیشن بنایا جائے۔اوہناں دا کہنا سی کہ سپریم کورٹ نے ایس حوالے نال حکم دِتا کہ جو کمیشن بنایا جا رہیا اے 1956 دے ایکٹ دے تحت ایہنوں سکوپ محدود اے۔ ایہدے ٹی او آر بہت وسیع نیں ، اوہ چاہندے نیں جو فریق متاثر ہوندے نیں اوہناں دی لسٹ بنا کے دِتی جائے، اوہدے بعد پارلیمانی کمیٹی قائم ہوئی جہدے 8 اجلاس ہوئے۔ اسیں لچک وی وکھائی پر اوہدے باوجود ٹی اور آر کمیٹی وچ ڈیڈ لاک دی صورتحال پیش اے۔