پاکستان زندہ باد آکھن والیاں نوں سینے نال لایا جائے: فاروق ستار

پاکستان زندہ باد آکھن والیاں نوں سینے نال لایا جائے: فاروق ستار

اسلام آباد(پاکستان پوائنٹ نیوز02۔ستمبر2016ء) متحدہ قومی موومنٹ دے قومی اسمبلی وچ پارلیمانی لیڈر فاروق سار نے آکھیا اے کہ زبردستی وفاداریاں تبدیل کروان دا سلسلا بند ہونا چاہیدا۔ اج پوری ایم کیو ایم پاکستان اک پاسے تے پاکستان مردہ باد آکھن والے اک پاسے کھلوتے نیں، پاکستان زندہ باد آکھن والیاں نوں سینے نال لایا جائے۔ قومی اسمبلی اجلاس دوران گل بات کردے ہوئے فاروق ستار نے آکھیا کہ 22 اگست ساڈے لئی سبھ توں وڈا دن سی۔

اوہناں دا کہنا سی کہ اج پوری ایم کیو ایم پاکستان اک پاسے تے پاکستان مردہ باد آکھن والے اک پاسے کھلوتے نیں، پاکستان زندہ باد آکھن والیاں نوں سینے نال لایا جائے۔ فاروق ستار نے آکھیا کہ سانوں مجرم بنا کے کٹہرے وچ کھڑا کر دِتا گیا، ساڈی حب الوطنی اُتے سوال چُکیا گیا۔ اسیں چاہندے آں کہ کراچی دے بنیادی مسائل حل ہون، لوکاں نوں روزگار تے یونیورسٹی و کالجز وچ داخلے ملنے چاہیدے نیں، زبردستی وفاداریاں تبدیل کران دا سلسلا بند ہونا چاہیدا۔

اوہناں دا کہنا سی کہ جے اک بندے دے بیان نال مسئلا ہویا تے اسیں اوہنوں اپنے آپ توں وکھ کیتا۔ اوہناں نے آکھیا کہ آئین و قانون دے تقاضے پورے ہوندے نیں تے انصاف دے تقاضے وی پورے ہونے چاہیدے۔ فاروق ستار نے اپنی تقریر دوران شعر وی سُنائے تے پاکستان زندہ باد دا نعرہ وی لایا۔