سیہون شریف: کار تے ٹرک وچکار ٹکر، پیو پُتر سنے 4 بندے ہلاک

سیہون شریف(پاکستان پوائنٹ نیوز02۔ستمبر2016ء) سیہون شریف وچ انڈس ہائی وے اُتے کار تے ٹرک وچکار ٹکر دے نتیجے وچ پیو پُتر سنے 4 بندے ہلاک ہو گئے۔ تفصیل دے مطابق لکی شاہ صدر دے مقام اُتے دادو توں جام شور جان والی کار تیز رفتار ٹرک نال ٹکر کھا گئی جہدے نتیجے وچ کار وچ سوار چار بندے ہلاک ہو گئے، ہلاک ہون والیاں وچ کار ڈرائیور نیاز تے پیو سنے دو پُتر غلام قادر، محمد جیسی تے دوست محمد شامل نیں۔ ہلاک ہون والیاں دا تعلق جوہی توں اے۔ حادثے دے بعد ٹرک ڈرائیور موقع توں فرار ہو گیا جدکہ پولیس نے حادثے وچ ہلاک ہون والیاں دیاں لاشاں سیہون شریف ہسپتال منتقل کر دِتیاں نیں۔