اسلام آباد(پاکستان پوائنٹ نیوز02۔ستمبر2016ء) داخلا وزات نے قومی اسمبلی دے اجلاس دوران دسیا اے کہ امریکی رپورٹ دے مطابق سال 2015 وچ پچھلے ورھے دے مقابلے وچ پاکستان وچ دہشت گرد حملیاں وچ 45 فیصد کمی ہوئی جدکہ بھارت تے بنگلا دیش وچ دہشت گردی دے واقعیاں وچ بتھیرا وادھا ہویا اے۔ جمعے نوں قومی اسمبلی وچ سوالاں دے وقفے دے دوران ظفر لغاری دے سوال دے تحریری جواب وچ داخلا وزارت ولوں دسیا گیا کہ امن و امان دی صورتحال وچ ڈاڈھی بہتری آئی اے۔
جواب وچ دسیا گیا اے کہ 2 جون 2016 نوں امریکی سٹیٹ ڈیپارٹمنٹ ولوں جاری رپورٹ دے مطابق 2015 وچ دہشت گرد حملیاں وچ 2014 دے مقابلے وچ 45 فیصد کمی واقع ہوئی۔ دہشت گردحملیاں وچ ہون والیاں موتاں وچ 39 فیصد تے زخمیاں وچ 53 فیصد کمی واقع ہوئی جدکہ ایسے عرصے دے دوران بنگلا دیش تے بھارت وچ دہشت گردی دے واقعیاں وچ بتھیرا وادھا ہویا اے۔
