جمہوریت دی خاطر لڑن اُتے ترک لوکائی نوں سیلوٹ کردے آں: صدر ممنون حسین

جمہوریت دی خاطر لڑن اُتے ترک لوکائی نوں سیلوٹ کردے آں: صدر ممنون حسین

اسلام آباد(پاکستان پوائنٹ نیوز02۔ستمبر2016ء) صدر ممنون حسین نال ترکی دے فارن اکنامک ریلیشنز دے وفد دی ملاقات۔ ملاقات دوران صدر مملکت نے آکھیا کہ جمہوریت دی بقا دی لڑائی لڑن اُتے ترک عوام نوں سیلوٹ کردے آں۔اوہناں نے آکھیا کہ دہشت گردی خلاف جنگ وچ ترکی دے ناں آں تے دوویں ملکاں نوں مختلف شعبیاں وچ اک دوجے دے تجربیاں توں فائدہ چُکنا چاہیدا۔

صدر مملکت نے آکھیا کہ پاک چین اقتصادی راہداری نال نویں امکانات پیدا ہوئے نیں۔ اوہناں نے آکھیا کہ ترکی نوں پاکستان وچ سرمایا کاری دے موقعیاں توں فائدہ چُکنا چاہیدا۔ممنون حسین نے آکھیا کہ پاکستانی لوکائی تے سکیورٹی فورسز نے دہشت گردی دا ڈٹ کے مقابلا کیتا اے۔ دوویں ملکاں وچکار تجارتی کِھلار ودھان دی لوڑ اے۔اوہناں دا کہنا سی کہ پاکستان تے ترکی وچکار آزاد تجارت دا سمجھوتا جلدی ہو جائے گا۔