دہشتگردساڈے حوصلیاں نوں کمزور نہیں کر سکدے: وزیر اعظم

اسلام آباد(پاکستان پوائنٹ نیوز02۔ستمبر2016ء) وزیر اعظم نواز شریف نے مرادن وچ ہون والے آپ مارو حملے دی ڈاڈھے الفاظ وچ نندیا کردے ہوئے آکھیا کہ بزدلانا حملے دہشت گردی خلاف ساڈے حوصلیاں نوں کمزور نہیں کر سکدے۔ تفصیل دے مطابق جمعے دے دیہاڑے مرادن وچ حملے دے نتیجے وچ ہون والیاں موتاں اُتے وزیر اعظم نواز شریف نے ہِرکھ دا وکھالا کردے ہوئے آکھیا کہ دہشت گرد ساڈے حوصلیاں نوں کمزور نہیں کر سکدے۔اوہناں دا کہنا سی کہ دہشت گرد آسان اہداف نوں نشانا بنا رہے نیں پر اسیں دہشت گرداں نوں پاکستان وچ لُکن دی تھاں نہیں دیاں گے تے اوہناں دا ہر تھاں تے پِچھا کراں گے۔