مصطفی کمال نے بلدیہ دُکھانت نوں حادثہ قرار دے دتا

کراچی(پاکستان پوائنٹ نیوز07۔دسمبر2017ء) پاک سرزمین پارٹی دے رہنما مصطفی کمال نے بلدیہ ٹاؤن دُکھانت نوں حادثہ قرار دے دتا اے۔ مصطفی کمال دا کہنا سی کہ بلدیہ دُکھانت دہشت گردی دا وقعہ نہیں بلکہ اگ دی وجہ توں ہون والا حادثہ سی۔ سانوں پتا اے کہ بلدیہ فیکٹری وچ اگ لائی نہیں گئی سی بلکہ لگ گئی سی۔ اوہناں دا کہنا سی کہ اگ شارٹ سرکٹ نال لگی۔ شام 5وجے فیکٹری دے ملازماں نوں تنخاہ دتی جا رہی سی کہ مالکاں نے آکھیا کہ فیکٹری نوں تالا لا دیو تاں جے کوئی پیسے لُٹن نہ آ جائے۔ اوہناں نے مطالبہ کیتا کہ بلدیہ فیکٹری دے مالکاں نوں واپس سدیا جائے۔