سرگودھا(پاکستان پوائنٹ نیوز06۔دسمبر2017ء) پیر حمید الدین سیالوی نے پنجاب حکومت توں وکھ ہون دا اعلان کر دتا اے، ہن ساڈا مسلم لیگ (ن) نال کوئی تعلق نہیں اے، اجازت ملے یاں نہ ملے دھوبی گھاٹ وچ جلسہ ضرور کراں گے، آئینی ترمیم دے ذمے واراں نوں سزا دین تیکر احتجاج جاری رہوے گا، قادیانیاں خلاف ساڈی تحریک کامیاب ہوئے گی۔ اوہناں نے پنجاب حکومت خلاف پریس کانفرنس کردے ہوئے واضح آکھیا کہ حکومت نے وزیر قانون رانا ثناء اللہ دا استعفا تن دن وچ لیان دا آکھیا سی۔
ہن ساڈے کارکن اسمبلی توں استعفے دین گے۔ ساڈے استعفے دین والے کارکناں دی گنتی وچ کمی نہیں بلکہ وادھا ہوئے گا۔ اوہناں نے آکھیا کہ اجازت ملے یاں نہ ملے دھوبی گھاٹ وچ جلسہ ضرور کراں گے۔ آئینی ترمیم دے ذمے واراں نوں سزا دین تیکر احتجاج جاری رہوے گا۔ قادیانیاں خلاف ساڈی تحریک کامیاب ہوئے گی۔ اوہناں نے آکھیا کہ لیگی رہنما استعفیاں دے معاملے اُتے لگاتار جھوٹھ بول رہے نیں۔ پہلے دن توں آکھ رہے آں کہ ساڈے مطالبے منظور کیتے جان۔ پر پنجاب حکومت ایہ تاثر دے رہی اے کہ مطالبے من لئے گئے نیں۔ ساڈا استعفے دا مطالبہ ٹھیک اے کوئی ڈیل نہیں کیتی۔
