عمرہ زائرین لئی خشخبری: زائرین لئی بائیو میٹرک دی شرط پہلی جنوری تیکر موخر

عمرہ زائرین لئی خشخبری: زائرین لئی بائیو میٹرک دی شرط پہلی جنوری تیکر موخر

اسلام آباد(پاکستان پوائنٹ نیوز04۔دسمبر2017ء) عمرہ زائرین لئی خشخبری ساہمنے آ گئی اے۔ سعودی حکومت نے عمرہ زائرین لئی بائیو میٹرک دی شرط پہلی جنوری 2018تیکر موخر کر دتی اے۔ تفصیل مطابق سعودی حکومت نے عمرہ زائرین لئی ویزا لین لئی بائیو میٹرک دی شرط لاگو کر دتی سی جہدے مگروں عمرہ زائرین نوں ڈاڈھیاں اوکڑاں دا ساہمنا کرنا پے رہیا سی۔ پاکستان وچ عمرہ زائرین ولوں ایس حوالے نال احتجاج وی کیتا گیا سی جہدے مگروں ہن سعودی حکومت نے چار دسمبر تیکر بائیو میٹرک دی شرط ختم کر دتی سی پر اج جدوں بائیو میٹرک دی شرط ختم ہو رہی سی تے سعودی حکومت ولوں اک وار فیر عمرہ زائرین نوں خشخبری سناندے ہوئے بائیو میڑک دی شرط پہلی جنوری تیکر موخر کر دتی گئی اے۔